全港首試!VW Transporter超班 Van王
2010-09-23 本文已被閱讀 44435


流露著
德國「福士」血統的Transporter,中文譯名是「運輸專家」,廠方嘅然能以專家命名,部車當然有其過人之處,老實講未試車前睇下個規格表已經停一停!,廠方竟然將只應在豪華7車出現的雙電動趟門列為標準裝備,傳動系統一樣令人「估佢唔到」,令好多車主讚不絕口「福士」車廠所研發嘅DSG(雙重離合器)波箱,同樣毫無保留地移植到Transporter身上,而且重要係最先進的7前速模式添,單係設備和傳動系統兩瓣,已即時令商用車界「升晒呢」,絕對係可以稱霸全港客貨車界的超班Van
王!


事實上,上述兩項人冇我有嘅裝備的確有超強賣點,其中電趟門可以由司機一按操作,乘客上落毋須自己動手,尤其是在落雨天可以開定門等客上落車,是何等的自豪與高人一等啊!至於
7前速DSG自動波箱,也是當今最強的汽車科技之一,它的優點在於可以讓引擎毋須高轉速就能夠轉入高波行車,不僅令加速過程更暢順,亦可節省燃油消耗,在測試過程中,即使在攀爬大帽山的長命斜上,引擎轉速也可以長時間處於每分鐘2000轉以下,就能夠產生足夠扭力去讓部車在斜坡上飛馳,請留意,筆者是用飛馳去形容這次測試的,因為雖然它配用的歐盟五型引擎汽缸容積只有1968c.c.,但由於用了渦輪增壓科技,令馬力和扭力都明顯提升,最大馬力140 ps在每分鐘3500 rpm轉速就出現,而最大扭力34.4kgm更只需低至每分鐘1750 rpm2500 rpm轉速就會產生,所以即使持續上斜保持在2000轉以下行車,3波與4波的適應範圍真係最強,令駕駛過程中「要幾多有幾多」,整個攀山車程大部份時間都只需用3波與4波行車,速度重可Keep70公里以上,講真,性能上真係好多私家車都望塵莫及,而且,波棍設於中控台上,轉波時隻手唔需要太大動作,就手得嚟重夠哂完全。


其他優點還包括有電動摺合門邊鏡、原廠CD/MP3音響系統、司機及前座乘客安全氣囊、遙控中央門鎖、倒車感應器、四輪碟式煞車掣、ESP電子穩定行車系統、ABS防鎖死煞車系統、ESP電子穩定循跡平衡系統、EBV電子制動力分配系統、ASR防打滑系統、EDL電子差速鎖、斜路防溜後系統和附清新空氣功能的空調系統等,絕對是同級最齊裝備的規格王。

在座位設計方面,廠方亦考慮到用家的實際需要,前座位可以選擇
2+1或者1+1設計,後座位則除了可以向前覆摺以增加載貨空間之外,還可以整張拆除搬走,即時令載物空間大增,但由於張櫈質量「有番咁上下」,所以要兩人合作始能成事;不過,無論你選擇五座位還是六座位型號,售價都係一樣,具體抉擇,純粹出於閣下的實際需要。

還有,
Transporter的車廂是同級中最大的,如此一部來自歐洲名廠的超級班客貨車,在扣除政府的首次登記環保稅之後,售價仍然只是288870元,咁嘅價錢、性能和設備的配搭,係咪好有衝動想「轉會」呢?

VOLKSWAGEN  TRANSPORTER
規格表
Transporter

xx高:       5292mmX1904mmX1990mm

軸距:               3400mm

車身總重:       2800kg

引擎:              直列式四汽缸TDI渦輪增壓

汽缸容積:       1968c.c.

最大馬力:       140ps/3500rpm

最大扭力:       34.4kgm/1750~2500rpm

傳動系統:       7前速DSG自動波

懸掛系統:       四輪獨立懸掛

輪胎:               215/65R16

售價:               HK$288,870.00

代理商:           福士香港有限公司 (3698 9688)
網址︰               http://www.vw.com.hk/

同場加映:改裝大師力撐Transporter

德國改裝名廠 ABT,除專注改裝各超級跑車之外,亦同樣地高度重視Transporter,因此就特別改裝了一部命為Transporter Multivan,部車除改裝上大Turbo及高性能排氣系統外,重要裝上四出死氣喉加19吋電鍍軨,再加埋全新Design嘅全車大包圍組件,一個字「型」!


Share |